ფიფა - ფეხბურთის ასოციაციათა საერთაშორისო ფედერაცია, (Fédération
Internationale de Football Association) ფეხბურთის საერთაშორისო მმართველი ორგანო. ორგანიზაციის შტაბ-ბინა მდებარეობს შვეიცარიის ქალაქ ციურიხში. ორგანიზაციის ამჟამინდელი პრეზიდენტია ზეპ ბლატერი.
ფიფა დაარსდა 1904 წლის 21 მაისს პარიზში. დამფუძნებელი წევრები იყვნენ: ბელგია, დანია, საფრანგეთი, ნიდერლანდი, ესპანეთი, შვედეთი და შვეიცარია.
ფიფა_ს პირველი პრზიდენტი იყო ეროვნებით ფრანგი რობერ გერენი, რომელიც 1906 წელს ინგლისელმა დანიელ ბარლი ვულფოლმა შეცვალა. პირველი შეჯიბრი, რომელიც ჩატარდა ფიფა-ს ორგანიზებით, იყო ფეხბურთი 1908 წლის ზაფხულის ოლიმპიურ თამაშებზე.
მალე ფიფა-ში გაწევრება დაიწყეს არაევროპულმა ქვეყნებმაც: სამხრეთ აფრიკამ 1908 წელს, არგენტინამ და ჩილემ 1912 წელს, კანადამ და აშშ-მა 1913 წელს.
პირველი მსოფლიო ომის დაწყების შემდეგ, ორგანიზაციის აქტიურობამ იკლო, ვინაიდან ფეხბურთელთა უმეტესობა ფრონტის ხაზზე აღმოჩნდა და საფრთხის ქვეშ დადგა ორგანიზაციის არსებობის საკითხი. 1918
წელს ფიფა-ს მესვეურობა გენერალურ
მდივან კარლ ანტონ ვილჰელმ ჰირშმანს გადაეცა და ფიფა-მ არსებობა განაგრძო, თუმცა ორგანიზაციას გაეთიშა ინგლისის ფეხბურთის ასოციაცია, 1946 წელს კი ინგლისი ხელახლა გაწევრიანდა ფიფა-ში.
ოლიმპიური ფეხბურთი წარმატებით სარგებლობდა, ამიტომ ორგანიზაციამ გადაწყვიტა საკუთუთარი საერთაშორისო ჩემპიონატი ჩაეტარებინა. 1928 წლის 28 მაისს, ამსტერდამში, ფიფა-ს კონგრესმა მიიღო ოფიციალური გადაწყვეტილება მსოფლიო ჩემპიონატის ჩატარების შესახებ. ჩემპიონატის პირველი გათამაშება, 1930 წელს, ურუგვაიში ჩატარდა
მსოფლიო ჩემპიონატის გარდა ფიფა ატარებს კიდევ 2 ტურნირს: ფიფა-ს
კონფედერაციის თასი და ფიფა-ს მსოფლიო საკლუბო ჩემპიონატი, მაგრამ მსოფლიო ჩემპიონატი ყველაზე პოპულარული და მნიშვნელოვანია.
No comments:
Post a Comment